Димаш Лондондағы концертінде Денис Тенге арналған әнін орындайды

Димаш Лондондағы концертінде Денис Тенге арналған әнін орындайды
Фото: https://voxball.com/poll/dimashtyi-londondayi-kontsertne-kmder-kptep-keled-5046

19 қараша күні Ұлыбританияның астанасында қазақстандық орындаушының DQ атты жеке ән кеші өтеді

АСТАНА, 7 қараша — Sputnik. Танымал қазақстандық әнші Димаш Құдайберген Лондонда өтетін жеке ән кешінде марқұм досы Денис Тенге арналған әнін орындайды. Қазақстандық әншінің жеке ән кеші туралы хабарды ҚР мәдениет және спорт министрлігі таратты.

"Димаш өмірден өткен Денис Тенге арнап SOS d'un terrien әнін орындайды. Бұдан өзге Димаш Құдайберген тыңдармандары сүйіп тыңдап жүрген репертуарындағы өзге де әндерді айтады", — делінген хабарламада.

Біріккен Ұлыбритания патшалығындағы Қазақстан Республикасы және Солтүстік Ирландия елшіліктері атсалысқан Димаш Құдайбергеннің концертін ҚР мәдениет және спорт министрлігі ұйымдастырып отыр.

"Қонақтарға жаңа музыкалық композициялар ұсынылатын болады. Шоу барысында жас орындаушы ән айтып, би билеп қана қоймай, әртүрлі музыкалық аспапта ойнайды. Бұл DQ шоуының тағы бір ерекшелігі болады", — деді министрліктегілер.

Қазақстандық мәнерлеп сырғанаушы Денис Тенді 19 шілде күні Алматы қаласының ортасында өлтіріп кетті. Ол сол сәтте көлігінің айнасын ұрлағандарды ұстап алып жазаламақ болған еді.

Күдіктілер және оқиға туралы хабар бермеген куәгерлер қолға түсті. Қазіргі сәтте олар тергеу изоляторында отыр, сот оларды қамау уақытын үшінші рет ұзартты.

https://sputniknews.kz/culture/20181107/7947495/dimash-londondagi-konsertinde-denis-tenge-arnalgan-anin-orindaydi.html

Автор: Арипжан
Поделиться:

Читать другие новости:

143